جون کے دوران ملکی فٹبال کی برآمدات کا حجم ایک کروڑ 32 لاکھ 38 ہزار ڈالر رہا
July 24, 2026
فیفا ورلڈ کپ میں شرکت اور اسپیس کی سیر بھی پاکستانی فٹبال کی برآمدات نہ بڑھا سکی
فیفا ورلڈ کپ میں شرکت اور اسپیس کی سیر کے باوجود جون میں پاکستانی فٹبال کی برآمدات میں سالانہ 38.90 فیصد کی بڑی کمی ریکارڈ کی گئی۔
ادارہ شماریات کیا جانب سے جاری دستاویز کے مطابق جون کے دوران ملکی فٹبال کی برآمدات کا حجم ایک کروڑ 32 لاکھ 38 ہزار ڈالر رہا جبکہ گزشتہ سال جون میں ملکی فٹبال کی برآمدات 2 کروڑ 17 لاکھ ڈالر سے زیادہ تھیں۔
سرکاری دستاویز میں بتایا گیا کہ رواں مالی سال مئی کے مقابلے میں جون میں بھی فٹبال کی برآمدات میں 38.54 فیصد کی بڑی کمی ریکارڈ ہوئی ہے مئی میں فٹبال کی برآمدات کا حجم 2 کروڑ 15 لاکھ ڈالر سے زیادہ تھا۔
مالی سال 2025-26 میں فٹبال کی برآمدات میں مجموعی طور پر 11.72 فیصد اضافہ رہا جبکہ ایک سال کے دوران فٹبال کی برآمدات کا مجموعی حجم 25 کروڑ 67 لاکھ ڈالر ریکارڈ کیا گیا۔
